Christmas Story

Dominico Ghirlandaio, The Nativity, (1482), SS Trinita, Firenze, IT,

Lukas 2

 ¹ Nu pasead daut enn dee Tiet daut de Kjeisa Augustus en Beschlus jeef daut de gaunse Welt sull ennjeschraewe woare.     ² Dit wea daut easchte Mol daut de Mensche ennjeschraewe worde aus Kjiereenius rejiare deed enn Sierean.
    ³ En aule jinje sikj ennschriewe lote, no de Staut wua see tus heade.
    ⁴ En Joosaf kjeem uk fonn Galilaea ut dee Staut Natsaret, no Judaea, no Doft siene Staut dee Betlehem heet; wiel hee wea fonn Doft sien Staum en Famielje;
    ⁵ omm sikj enschriewe lote met siene feleefte Fru Marie, dee met Kjint wea.
    ⁶ No kjeem daut so erom daut waearent see doa weare dautet Tiet wea daut daut Kjint sull 0jebuure woare.
    ⁷ En see brocht aea easchta Saen to Welt, wekjeld am enn, en laed am enn ne Kjreb enenn, wiel doa kjeen Rum wea enn daut Gausthus.
    ⁸ Nu weare doa Schophoad enn dee Ommjaejent, bleewe doa enn woakte aewa aeare Haead enne Nacht.
    ⁹ Meteemol kjeem doa en Enjel fom Herr, en Gott siene Harlichkjeit shiend omm an eromm, en see aengste sikj seeha.
    ¹⁰ Oba dee Enjel saed to an: Engst ju nich, dan kjikjt! ekj brinj ju ne groote Freid waut fa aule Mensche es;
    ¹¹ dan Fendoag es enn Doft siene Staut fa junt en Heilant jebuure, daut es Christus de Herr.
    ¹² En dit es fa junt en Teakjen: jie woare daut Kjint finje enjewekjelt, en enn ne Kjreb lige".
    ¹³ Platslich wea doa bie daem Enjel ne groote Schoa Enjel dee lowde Gott en saede:
    ¹⁴ "Je-eat sie Gott em hechste, en oppe Ead Fraed mank Mensche dee goot jesonne sent."
    ¹⁵ En aus dee Enjel fonn an trig nom Himel fuare, saede dee Hoad eena tom aundre: "Dan wel wie nu no Betlehem gone en dit seene waut paseat es, waut de Herr onns haft weete lote."
    ¹⁶ En see spoode sikj, en funje beid Marie en Joosaf, en daut Kjint enne Kjreb lige.
    ¹⁷ Aus see daut jeseene haude, muake see daut aulewaejent bekaunt waut an fonn daut Kjint wea jesajcht worde.
    ¹⁸ En aula, dee daut heade, wunndade sikj aewa daut waut de Hoad an fetalde.
    ¹⁹ Oba Marie leet sikj daut aules to Hoat gone, en bedocht sikj daut aules.
    ²⁰ En dee Schophoad jinje trig, en lowde en feharlichte Gott fa aules waut see jeheat en jeseene haude, so aus daut to an jesajcht wea.

Note:  This content is (c) Elmer Reimer, 2001.  The source for this material is www.biblegateway.com which offers a Plautdietsche translation of scripture.  This posting is believed to be in compliance with the stated terms of use from this source.